काठमाडौं । नेपाली कांग्रेसका केन्द्रीय सदस्य एवम् पूर्व सञ्चारमन्त्री मोहनबहादुर बस्नेतले प्रणामी बचत तथा ऋण सहकारी संस्थामा ६१ करोड रहेको समाचारले आज चर्चा पायो । जुन समाचार सत्य नभएकाे सराेकारवाला पक्षबाट स्पष्ट भएकाे छ । पूर्व सञ्चारमन्त्री बस्नेतले उक्त सहकारीमा आफ्नो नाममा कुनै खाता नरहेको प्रष्ट पारेका छन्।
‘जुन सहकारी संस्थाको म सदस्य नैै छैन, पैसा हुने कुरै भएन’ – उनले भने । लोकतान्त्रिक विधिलार्य अंगिकार गरेर अघि बढ्ने मान्छेलाई सरकारका अहिले भइरहेका काला कर्तुतहरु बाहिर ल्याउदा आफु विरुद्ध चालिएको कदम भएको र जुन आफु विरुद्ध लगाइएका कुनै पनि आराेप सत्यमा आधारित नभएको उनले बताएका छन् । उनले भने –‘ जहाँ विकृति विसंगती छन् त्यो हटाउनुपर्छ भनेर मन्त्री पद हुदाँ र नहुदाँ मैले उठाएका आवाजलाई निस्तेज गर्ने दुस्प्रयास मात्र हो । ’
यसैबीच प्रणामी बचत तथा ऋण सहकारीका प्रमुख कार्यकारी अधिकृत दीपकबिक्रम थापाले पूर्वमन्त्री बस्नेतको नाममा खाता नरहेकोले पैसा हुने कुरै नभएको स्पष्ट पारेका छन् । उनले भने, ‘ प्रणामी बचत तथा ऋण सहकारीको ब्यालेन्ससीटको आकारनै ६० करोड भन्दा कम छ भने त्यति ठूलो रकम हाम्रो खातामा जम्मा हुनै सक्दैन ।’
